दरवेळी सुमारे तेेहतीस महिन्यांनी येणार्‍या अधिकमासाविषयी प्राचीन काळी जेवढी कुतूहलयुक्त जिज्ञासा होती तेवढीच ती आजही जनमानसात टिकून आहे. सर्वसामान्यांच्या मनांत अधिकमासाविषयी नेहमी उद्भवणारे प्रश्न म्हणजे, अधिकमास म्हणजे नेमके काय? ह्या महिन्याला विविध नावे का पडली? हा महिना स्वागतार्ह आहे का त्याज्य? ह्या महिन्यात नेमकी कोणती कार्ये करावीत व कोणती टाळावीत? धार्मिक व्रताचरण कसे ठेवावे? ह्या महिन्यातील व्रतादिकांचे विधिविधान व फलश्रुती काय? ह्या व अशा सर्वप्रश्नांची उत्तरे ह्या पुस्तकात दिलेली आहेत. शिवाय अधिकमासाची व्रतपूजा व व्रतकथाही दिलेली आहे. ह्या महिन्यात विशेषकरून करण्यात येणार्‍या भागवतसप्ताहाचाही माहिती व संकल्प दिलेला आहे.