श्रीस्वामिसमर्थ-व्रतपूजा’ हा पोथीवजा छोटा ग्रंथ असून ह्यावरून आपण विनासायास श्रीस्वामींची नित्य व नैमित्तिक षोडशोपचार पूजा करू शकता. ह्या पोथीत पूजेची पूर्वतयारी, पूजेचे पूर्वांग, क्रयसाहित्य, गृह्यसाहित्य, पूजार्ह देवता, व्रतोद्देश, पूजाकाल, पूजेची मांडणी आणि त्याचबरोबर पूजोपचारांचे पौराणमंत्र व नाममंत्र, कृतींची मराठीतून सूचना आणि पूजासमारोप अशा सर्व आवश्यक बाबी अत्यंत सुबक व मुद्देसूद पद्धतीने सादर केलेल्या आहेत. शिवाय ह्या पोथीत श्रीस्वामिसमर्थांची प्राकृत व गद्यरूपातील व्रतकथा, आरत्या आणि प्रासादिक स्तवने ह्यांचाही समावेश केलेला आहे.